Расширенное совещание при директоре
2025 жылғы 1 қазанда КММ «№34 мектеп-лицейінде» директордың қатысуымен кеңейтілген кеңес өтті. Кеңесте білім беру ұйымының оқу-тәрбие жұмысын ұйымдастыруға қатысты өзекті мәселелер қаралды. Мектеп-лицей директоры Ананишникова О.В. педагогикалық ұжымға балалардың мектептегі қауіпсіздігі, сыбайлас жемқорлық тәуекелдерінің алдын алу, мектеп бітірушілермен кәсіптік бағдар беру жұмыстары туралы ата-аналар конференциясында көтерілген мәселелер бойынша ақпарат ұсынды.
Директордың орынбасары Ултаракова А.С. мектептегі сыбайлас жемқорлықтың алдын алуда педагогикалық ұжымның рөліне тоқталды. Тәрбие ісі жөніндегі орынбасар Айткожина А.Р. педагогтердің назарын «Адал Азамат» бірыңғай тәрбие бағдарламасын іске асыруға аударып, қыркүйек айында атқарылған жұмыс туралы есеп беріп, қазан айына арналған жоспарлармен бөлісті.
Бракераж комиссиясының төрайымы Кирьянова Л.Ю. мектепте Білім министрінің №490 бұйрығына сәйкес ыстық тамақты ұйымдастыру ережелерінің қатаң сақталуын және бұл мәселе бойынша сынып жетекшілерінің оқушылармен және ата-аналармен жүйелі түрде түсіндіру жұмыстарын жүргізу қажеттігін атап өтті.
Әлеуметтік педагог Бобровникова С.А. 2025–2026 оқу жылына арналған мектеп-лицейдің әлеуметтік төлқұжатына сипаттама берді. Психолог Алибекова А.Б. педагогтерге буллингтің негізгі белгілерін еске салып, оны жанжалдан ажырата білу үшін жағдайды дұрыс бағалаудың маңыздылығын атап өтті. Сонымен қатар, балалар үшін қауіпсіз орта құруда, мектептегі қолдау мен сенім атмосферасын қалыптастыруда педагогтің ерекше рөліне назар аударды.
