Расширенное совещание при директоре

2026 жылғы 16 Сәуірде  КММ «№34 мектеп-лицейінде» директор жанындағы кеңейтілген кеңес өтті. Кеңесте оқу-тәрбие үдерісін ұйымдастыруға қатысты өзекті мәселелер қарастырылды. Мектеп-лицейінің директоры О.В. Ананишникова білім сапасының жоғары деңгейі балалар үшін қауіпсіз орта қалыптастырумен және ұжымда қолайлы моральдық-психологиялық ахуалды сақтаумен тығыз байланысты екенін атап өтті.

Оқу ісі жөніндегі директордың орынбасары С.П. Давыденко 2025–2026 оқу жылының III тоқсаны бойынша білім сапасының нәтижелілігін алдыңғы кезеңімен салыстыра отырып талдап, сондай-ақ IV тоқсанның алдын ала қорытындыларын ұсынды. Ол оқушылардың табысты білім алуына жағдай жасау қажеттігіне ерекше назар аударды. Директордың орынбасары А.С. Ултаракова 5, 6, 7, 8 және 10-сынып оқушыларын «Қазақ тілі мен әдебиеті» пәні бойынша аралық аттестацияға дайындау жұмыстарын ұйымдастыру туралы ақпарат берді. Директордың орынбасары Л.А. Шевнина дәстүрлі мектепішілік «Ғылым күні» іс-шарасын өткізу жоспарын таныстырды. Мектептің педагогикалық әдеп жөніндегі кеңесінің төрайымы Е.М. Паутова ұжымдағы қолайлы моральдық-психологиялық ахуалды сақтауда кеңестің маңызын атап өтті. Мектеп психологы Г.Д. Васильева буллингтің, суицидтің және құқықбұзушылықтың алдын алу мәселелері бойынша мектепте тұрақты психологиялық-педагогикалық қолдаудың маңыздылығына тоқталды. Тәрбие ісі жөніндегі директордың орынбасары А.Р. Айткожина оқушылардың мектепте болған уақытында қауіпсіз ортаны қамтамасыз етуде педагогтердің ерекше рөлін атап өтті.

Мектептегі қауіпсіздік пен тәрбие мәселелері педагогтерді аттестаттаудың жаңа моделінде негізгі критерийлердің бірі ретінде қарастырылуда.